Háskólaskríll.

Hvað skal kalla lýð sem gerir aðsúg að forseta og forsætisráðherra á þjóðhátíðardegi, sýnir stúlku í gervi Fjallkonu dónakap og lítilsvirðingu, og vanvirðir þjóðsöng Íslendinga svo að landráð má kalla, í þessu tilfelli háskólamenntaða?

Við köllum það óþjóðalýð og skríl. Ég er ekki að alhæfa um það allt, en þau sem mættu eins og nýsloppin úr brennivínsbúllunum, öskrandi sem bavíanar í búri, berjandi í eldhúsáhöld og hringlandi lyklum eins og vitskertir fangar í dýflissum eiga enga virðingu skilda, heldur verðskuldar nafngiftina skríll og óþjóðalýður.

Ég sá þessa uppákomu í sjónvarpi, án þess að vita hverju væri að mótmæla, það kom aldrei fram, enda þessi ríkisstjórn margfalt betri en sú sem á undan var og komið miklu meira í verk en JS SJS og kumpánar.

Það má spyrja sig að hver ól þetta illa tilhafða fólk upp og hvernig elur það upp sín eigin börn, því flest er það á þeim aldri að hafa komið þeim að mestu á legg.

Það yrði landhreinsun að losna við skrílinn úr landi og þangað sem meiri agi er fyrir hendi og býtur á því, því við höfum ekkert við svona vanstillt fólk að gera, en getum flutt inn fólk sem kann mannasiði.

Það er einkenni þessarar stjórnarandstöðu og tilheyrandi flokkum að hleypa öllu upp í illt og með illum huga, og það er ekki það sem á að hafa fyrir börnunum.

Óagaðan skríl höfum við ekkert að gera við